Сўнгги 24 соат ичида Қирғизистонда тожливирус ўлими қайд этилмаган. Бу ҳақда республика штаби хабар бермоқда.
COVID-19 пандемияси бошланганидан бери мамлакатда 1058 киши касалликдан вафот этди.
Август ойидан бери мамлакатда тожливирусдан ўлганлар сони камайиб бормоқда. Сўнгги икки ҳафта давомида кунига битта ўлим ҳолати қайд қилинмоқда. Баъзи кунлари ўлим ҳолатлари қайд этилмади. Масалан, сўнгги уч кун ичида расмий равишда тожливирусдан бирорта ҳам ўлим ҳолати қайд этилмаган.
18 август ҳолатига кўра 1498 киши вафот этгани ҳақида хабар берилган. Бироқ, кейинчалик Соғлиқни сақлаш вазирлиги қурбонлар сонини қайта кўриб чиқишини айтди. Натижада саккиз кишини қайта рўйхатдан ўтказилгани маълум бўлди. Вазирлик статистик маълумотларни аниқлаб, 437 киши тожливирусдан ташқари бошқа касалликлардан вафот этганини тасдиқлаган.
Мамлакатимизда бугун тожливирусни юқтириб олганлар 125 кишини ташкил қилиб, 247 киши ушбу касалликдан бутунлай соғайиб кетган.
